प्रकाशको स्मृतिमा अखिल क्रान्तिकारी स्वयमसेवक दस्ताको श्रद्धाञ्जली सभा
हेटौंडा । नेकपा माओवादी केन्द्रका स्वर्गीय युवा नेता प्रकाश दहालको चौथो स्मृतिको अबसरमा अखिल क्रान्तिकारी जिल्ला स्वयमसेवक दस्ता मकवानपुरले श्रद्धाञ्जली सभा गरेको छ ।
शुक्रबार हेटौंडामा श्रद्धाञ्जली गर्दै पार्टी निर्माणमा स्वर्गीय दाहालको योगदानलाई युवाहरुले संधै सम्झिरहने गरेको अखिल क्रान्तिकारी मकवानपुरका जिल्ला कोषाध्यक्ष तथा स्वयमसेवक दस्ता इञ्चार्ज बुद्ध अर्यालले बताए । प्रकाश दाहालको ४ औं स्मृतिमा दिप प्रज्वलन गरि श्रद्धाञ्जली सभा गरिएको ईञ्चाज अर्यालले बताए ।
अखिल क्रन्तिकारी जिल्ला स्वयम् सेवक दस्ता अध्यक्ष अनिल बसेलको संयोजकत्वमा कार्यक्रम भएको थियो । कार्यक्रममा अखिल क्रान्तिकारी मकवानपुर जिल्ला इन्चार्ज दिनेश सुबेदी, वाइसिएल १७ नम्बर वडाका अध्यक्ष रोयल बानियाँ लगायतको उपस्थित रहेको थियो ।
स्वर्गीय दहाललाई अखिल क्रान्तिकारी मकवानपुरले हरेक वर्ष सम्झिँदै आएको छ । माओवादी केन्द्रका अध्यक्ष तथा पूर्वप्रधानमन्त्री पुष्पकमल दहाल प्रचण्डपुत्र प्रकाश दाहालको मृत्यु लाजिम्पाटस्थित आफ्नो निवासमा सुतेकै ठाउँमा चार वर्षअघि मृत्यु भएको थियो । उनको ह्दयघातका कारण मृत्यु भएको हो ।
