मकवानपुरका चार नेता नेकपा एसको केन्द्रीय कमिटीमा
नेपाल कम्युनिष्ट पार्टी (एकीकृत समावादी) को केन्द्रीय कमिटीमा मकवानपुरका चार नेता समेटिएका छन् । पार्टी उपाध्यक्षसहित के्रन्द्रीय सदस्यसम्म मकवानपुरका नेता छन् ।
नेकपा एमाले विभाजनपछि नयाँ गठित एकीकृत समाजवादीमा मकवानपुरबाट केदार न्यौपाने, विरोध खतिवडा, ललित बस्नेत र मुनु सिग्देल केन्द्रीय कमिटीमा रहेका हुन् ।
एकीकृत समाजवादीको हालै बसेको केन्द्रीय कमिटी बैठकले चार नेतालाई पनि विभिन्न जिम्मेवारी दिएको छ । केदार न्यौपाने पार्टी उपाध्यक्ष एवम् बागमती प्रदेश इञ्चार्ज छन् ।
यस्तै, मकवानपुरका चर्चित नेता विरोध खतिवडा स्थायी कमिटी सदस्य छन् । खतिवडाले गठबन्धन सरकारमा महत्वपूर्ण मन्त्रालय सम्हाल्ने सम्भावना रहेको बुझ्रिएको छ ।
एमालेको मजदुर संगठनका प्रभावशाली नेता तथा एमालेका पूर्व केन्द्रीय सदस्य ललित बस्नेत एकीकृत समाजवादीमा पोलिट ब्युरो सदस्य भए । बस्नेत पार्टी मकवानपुर इञ्चार्जको जिम्मेवारी दिइएको छ ।
एमाले मकवानपुरकी पूर्व अध्यक्षसमेत रहेकी मुनु सिग्देल एकीकृत समाजवादीको केन्द्रीय सदस्य तथा मकवानपुर सहइञ्चार्ज छिन् । बागमती प्रदेश सभामा एकीकृत समाजवादीको प्रमुख सचेतक सिग्देल हुन् ।
शक्ति खबरबाट
