एफपीओ जारी गर्न सारथी लघुवित्तले बोलायो साधारण सभा
काठमाडौं । सारथी नेपाल लघुवित्त वित्तीय संस्थाले एफपीओ जारी गर्न साधारण सभा बोलाएको छ । कम्पनीले एफपीओ जारी गर्ने एजेण्डासहित वैशाख ३ गतेका लागि वार्षिक साधारणसभा बोलाएको हो ।
कति मूल्यको कति कित्ता एफपीओ जारी गर्ने भन्ने नखुलाए पनि कमपनीले साधारण सभाको एजेण्डामा सर्वसाधारणलाई छुट्याइएको साधारण सेयर सम्बन्धित निकायबाट स्वीकृति लिई एफपीओ जारी गर्ने भनेको छ ।
सारथी नेपाल लघुवित्तले साधारणसभाबाट ८.१३ प्रतिशत बोनस सेयर वितरण गर्ने प्रस्ताव पास गर्दैछ । कम्पनीको चुक्ता पुँजी २३ करोड ५३ लाख रुपैयाँ छ।
