हेटौंडाका बर्तौला अडान बागमती प्रदेश अध्यक्षमा लगातार तेस्रोपटक चयन
हेटौंडा– रामकुमार बर्तौला लगातार तेस्रो कार्यकालको लागि नेपाल अडिटर्स एसोसिएसन (अडान) बागमती प्रदेश समितिको अध्यक्षमा चयन भएका छन् । शनिबार हेटौंडामा सम्पन्न अडानको सातौं अधिवेशनले बर्तौलाको नेतृत्वमा नयाँ कार्यसमिति चयन गरिएको हो ।
बर्तोला पहिल्यैको दुई कार्यकालको सफलतापछि पुनः यस पदमा चयन भएका हुन् । नयाँ कार्यसमितिमा उपाध्यक्षका रूपमा द्वारिका रिजाल, लव प्रसाद सुवेदी, र माधव प्रसाद बास्तोला चयन भएका छन् । सचिवको जिम्मेवारी तेजप्रसाद रुपाखेतीलाई दिइएको छ ।
कोषाध्यक्षका रुपमा मणिप्रसाद सुवेदी, सहसचिवको पदमा लेखराज सापकोटा र सहकोषाध्यक्षको पदमा इन्द्रमणी गैरे चयन भएका छन् ।
यसका साथै, २५ सदस्यीय कार्यसमिति पनि सर्वसम्मत रुपमा चयन गरिएको छ । जसमा राजेन्द्र प्रसाद उप्रेती, याम प्रसाद काफ्ले, तेज प्रसाद आचार्य, मोहन प्रसाद पौडेल र भेषराज कोइराला लगायत व्यक्तिहरुको नाम समावेश छन् ।
नेपाल अडिटर्स एसोसिएसनका केन्द्रीय अध्यक्ष केदारनाथ पौडेलको प्रमुख आतिथ्यतामा भएको यस कार्यक्रमको विशेष अतिथिमा अडानका निवर्तमान केन्द्रीय अध्यक्ष र सल्लाहकार समितिका संयोजक मोहनराज रेग्मी, वरिष्ठ उपाध्यक्ष बद्री प्रसाद भट्टराई, र विशेषज्ञ समितिका संयोजक सूर्य प्रसाद अधिकारीको उपस्थिती रहेको थियो।
कार्यक्रममा अडानका तृतीय उपाध्यक्ष झलकमणि लम्साल, उपाध्यक्ष प्रदिप कुमार यादव, बहादुर सिंह बिष्ट, महासचिव प्रेम कुमार श्रेष्ठ, उपमहासचिव हरि बहादुर कार्की, र अन्य केन्द्रीय सदस्यहरु पनि उपस्थित थिए ।
बागमती प्रदेश सल्लाहकार समितिका संयोजक रोहित कुमार झा र सल्लाहकार सकुल कुमार श्रेष्ठ पनि कार्यक्रममा विशेष अतिथि रहेका थिए ।
नवनिर्वाचित प्रदेश समितिको पहिलो बैठकमा सल्लाहकार समितिको संयोजकमा रोहित कुमार झा, विशेषज्ञ समितिको संयोजकमा सकुल कुमार श्रेष्ठ र अनुशासन समितिको संयोजकमा भेषराज कोइरालालाई चयन गरिएको छ।
