११ वर्षमा मानवसेवा आश्रमको आफ्नै भवन, प्रधानमन्त्री प्रचण्डद्वारा उद्घाटन

संवाददाता
२०८० पुष १, आईतवार १२:१६

हेटौंडा– प्रधानमन्त्री पुष्पकमल दाहाल ‘प्रचण्ड’ले हेटौंडास्थित मानवसेवा आश्रम ९मानवता प्रवद्र्धन महाअभियान० को मुख्य कार्यालयको नवनिर्मित भवनको उद्घाटन गरेका छन् ।

करिव १० वर्ष भाडाको घरमा विताएको मावनसेवा आश्रमले हाल हेटौंडाको लामसुरेधापमा निर्माण गरिएको भवन शनिबार प्रधानमन्त्री प्रचण्डले भवनको उद्घाटन गरेका हुन् । प्रचण्डले भवनभित्र र बाहिर अवलोकन समेत गरेका थिए ।

करिव १४ करोड रुपैयाँको लागतमा बनेको आश्रमको उद्घाटन गर्दै प्रधानमन्त्री प्रचण्ड ७ वटै प्रदेशका लागि सडकमानव उद्दार गर्न सवारीसाधन उपलब्ध गराउने प्रतिबद्धता व्यक्त गरे । प्रधानमन्त्री प्रचण्डले आश्रममा आश्रित नागरिकलाई प्रतिब्यक्ति प्रतिमहिना १० हजार रुपैयाँका दरले राज्यले उपलब्ध गराउनको लागि ब्यबस्थापनको जिम्मेवारी लिने बताए ।

मानवता प्रबद्र्धनको पुण्य अभियानका लागि काम गर्ने संस्थाको कार्यक्रम भएकोले पनि आफू उपस्थित भएको प्रधानमन्त्री प्रचण्डले बताए । प्रधानमन्त्री प्रचण्डले कठोर संघर्षपछि नागरिकको प्रत्यक्ष सहभागितामा निर्माण नेपालको संविधानले आमनेपाली जनतालाई सार्वभौम बनाएको बताउँदै शिक्षा, स्वास्थ्य रोजगारलाई मौलिक हकको रुपमा राखिएको बताए ।

संविधानप्रदत्त अधिकार कार्यान्वयन हुने क्रममा नै रहेको अबस्थामा संविधानले दिएको काम मानवसेवा आश्रमले गरिहेको भन्दै सरकारले मानवसेवा आश्रमलाई अभिभावकत्व प्रदान गर्ने प्रतिबद्धता प्रधानमन्त्री प्रचण्डले ब्यक्त गरे ।

आश्रमको कामले राज्यलाई पनि झक्झकाउँदै तर· प्रदान गरेको उनको भनाई छ । प्रधानमन्त्री प्रचण्डले आश्रमबाट भएको कामलाई बिस्तार गर्न सातवटै प्रदेशमा भवन निर्माण, उद्दारको लागि सवारी साधन ब्यवस्थापनलगायत कार्यमा सरकारले सहयोग गर्ने प्रक्रिया अगाडि बढाइसकेको जानकारी दिए ।

कार्यक्रममा बागमती प्रदेशका मुख्यमन्त्री शालिकराम जम्कट्टेलले बागमती प्रदेश सरकारले हालसम्म ४ करोड भन्दा धेरै आश्रमलाई सहयोग गरिसकेको बताए । उनले कोही नभएकाहरुको बागमती प्रदेश सरकार अभिभावकत्व लिनका निम्ति सरकारले चालु आर्थिक वर्षमा ४० लाख रुपैयाँ बजेट बिनियोजन गरेको जानकारी दिए ।

बागमती प्रदेशका सामाजिक विकास मन्त्री कुमारी मोक्तानले आश्रमलाई ब्यवस्थित ढंगले अगाडि बढाउन सहयोग गर्ने प्रतिवद्धता व्यक्तगरिन् । मन्त्री मोक्तानले अभिभावक बिहिनको अभिभावक बनेर मन्त्रालयले काम गरेको जानकारी दिईन् ।

भाडाको घरबाट चल्थ्यो आश्रम

२०६९ साल भाद्र १३ गते हेटौंडा–५ अब्बलडाँडास्थित परिवार बस्न बनाएको घरको दुईतल्ला भाडामा लिई आश्रमले सेवा सुरु गरेको थियो । सहयोगापेक्षी सडकआश्रित मानवको उद्दार संख्या बढ्दै जाँदा सेवाप्रवाहको लागि संरचना अभाव भएर आश्रम अब्बल डाँडाबाट हेटौंडा–२ वनस्खण्डी र त्यसपछि, हेटौंडा–४ कर्रामा भाडाकै घरमा सरेको थियो । भाडाको भवन अपुग भएपछि २०७१ माघ ३ हेटौंडा–९ लामसुरेधापमा संस्थाको भवननिर्माण कार्यको सुरु भएको हो ।

पुरानो थाल, भाँडा र कपडा संकलन गरेर सेवा सुभारम्भ गरेको मानवसेवा आश्रमको खातामा मुस्किलले १ लाख रुपैयाँ थियो । त्यसबखत भवननिर्माण सम्पन्न गर्दा ५ करोड चाहिन्छ भन्ने कुराले मन अतालिएका थिए, आश्रमका समर्पित अभियान्ता र अभिभावकको । आवश्यकता बढ्दै जाँदा अहिले मुख्य भवन सहित १८ ओटा साना ठूलासंरचना निर्माण भएका छन् । झण्डै १४ करोड रुपैयाँको लागतमा सोचे भन्दा पनि तीनगुणा ठूलो विशाल भवण निर्माण सम्पन्न भएको छ ।

आ।व। २०७९÷८० को मसान्तसम्म भवनमा १३ करोड ८१ लाख ६६ हजार ५ सय ८० रुपैयाँ खर्च लागेको मानवसेवा आश्रमका अध्यक्ष रामजी अधिकारीले बताए । अहिले मुख्य भवन सहित १८ ओटा साना ठूला संरचना निर्माण भएको उनले जानकारी दिए । भवन निर्माणका लागि हेटौंडा स्कुल अफ म्यानेजमेन्ट तर्फबाट पुरणबहादुर जोशीले २३ लाख ४२ हजार रुपैयाँ, मानवसेवा आश्रमका प्रमुख संरक्षक डा। गोविन्द टण्डनले २० लाख ५० हजार रुपैयाँ योगदान गरेका छन् ।

राउण्टटेवल नेपालको तर्फबाट हालसम्म २० लाख रुपैयाँ सहयोग छ भने १७ जना समाजसेवी व्यक्तिले विभिन्न अवसरमा १ कोठा भवन निर्माणका लागि ५ लाख ११ हजार १ सय ११ रुपैयाँ सहयोेग गरेको जनाइएको छ । भवनको पूर्णताका लागि आश्रमले महजात्रा, श्रीमद्भागवत ज्ञानविज्ञानमहायज्ञ र रवीन्द्र मिश्रका कवितावाचनसमारोहको आयोजना गरेको थियो । अधिकांश सहयोग यीनै कार्यक्रमका समयमा प्राप्त भएको आश्रमले जनाएको छ ।

भवन निर्माणका लागि हेटौंडा उपमहानगरपालिको तर्फबाट ४४ लाख ८२ हजार रुपैंया र सामाजिक विकास मन्त्रालयबाट ४० लाख सहित विभिन्न सरकारी निकायबाट १ करोड १७ लाख ७३ हजार रुपैयाँ र निजी क्षेत्रबाट ११ करोड ९१ लख २७ हजार रुपैंया प्राप्त भएको जनाइएको छ । झण्डै १५ हजार बढीले योगदान गरेका छन् ।सबैनिकायका सहयोगका बावजुद पनि भवन निर्माणमा ८६ लाख ६० हजार ५ सय ८७ रुपैयाँ अपुग भएको आश्रमले जनाएको छ ।

आश्रमले देशैभर १९ जिल्लामा भवननिर्माण कार्यकोसुभारम्भ गरिसकेको छ । चितवन, पोखरा, गोरखा र बाग्लुङको निर्माण कार्य यसैवर्ष सकिनेछ । आश्रमले सातवटै प्रदेशमा २४ वटा शाखा विस्तार गरिसकेको छ । सडकआश्रित मानवको उद्दारलाई तीव्र बनाएको आश्रमले २०८२ सालभित्र सहयोगापेक्षी सडकआश्रित मानवमुक्त राष्ट्र नेपाल निर्माणको लक्ष्य लिएको छ ।

आश्रमले हालसम्म ९ हजार ७९ जनाको उद्दार गरेको छ । हेटौंडामा १८ जना बालक ३ जना बालिका सहित २ सय चारजना मुख्यालयको आश्रममा छन् । दीर्घकालीन स्वावलम्बनको सिद्धान्तलाई आत्मसाथ गर्दै गाईपालन गरिएको छ अर्गानिक खेती, आश्रम परिसरमै झण्डै एक हजार बढी फलफूलका विरुवा रोपिएका छन् । फलफूल र दुधमा आत्मनिर्भर बन्दै गइरहेको आश्रम मुख्य सेवाकेन्द्र हेटौंडाले एक दर्जन बढी गाइबस्तुको मलमूत्रलाई खाना पकाउने इन्धनमा रुपान्तरण गरेको छ ।

यसमा तपाइको मत

Your email address will not be published. Required fields are marked *


*