विजय र आवाजले छोडे हेटौंडा आइडलको मञ्च
हेटौंडा– हेटौंडामा जारी १० औं राष्ट्रिय औद्योगिक व्यापार महोत्सवमा भएको हेटौंडा आइडल गायन प्रतियोगिताबाट आज शनिबार दुई प्रतिस्पर्धी बाहिरिएका छन् ।
शुक्रबार भएको गायन प्रतिस्पर्धापछि निर्णायकको मुल्याकंन, टिकटबाट र एसएमएसबाट भएको भोटिङको आधारमा दुई प्रतिस्पर्धीले आज हेटौंडा आइडलको मञ्च छाडेका हुन् ।
प्रतिस्पर्धी विजय लामा र आवाज सुनारले आइतडलको मञ्च छोडेका हुन् । शनिबार हेटौंडा आइडलमा ६ जनाले आफ्नो प्रस्तुती दिएका छन् । जसमा अनिता मोक्तान (१), प्रेमलाल बैठा(२),सुस्मिता श्रेष्ठ (४), दीपेश श्रेष्ठ (५), राजेश दर्नाल(७), सुसन शाही ठकुरी(८) रहेको आइडलका निर्णायक विजय कार्कीले बताए ।
गायन पश्चात उनीहरुलाई भोट गर्न टिकटको अर्धकट्टी र एसएमएसबाट भोटिङ गर्न सकिने हेटौंडा आइडल व्यवस्थापन समितिका संयोजक एंव मउवा संघका कार्यसमिति सदस्य अंकिता सुमार्गीले बताइन् ।
भोटिङ गर्न हेटौंडा आइडलको सर्टफर्म एचआई स्पेस प्रतिस्पर्धी नम्बर टाइप गरि ३१००३ मा एसएमएस गरि मनपरेको प्रतिस्पर्धीलाई भोट गर्न सकिने निर्णायक कार्कीले बताएका छन् ।
टिकट अर्धकट्टीबाट भोटिङ गर्न साँझ ६ बजे सम्म भोटिङ बक्समा भोट खसाल्नु पर्ने जनाइएको छ, भने एसएमएसबाट भने भोली आइतबार विहान ११ बजे सम्म भोटिङ गर्न सकिने आयोजकले जनाएको छ ।
