हेटौंडा आइडलमा भोटिङ राउण्ड सुरु
हेटौंडा– हेटौंडा उपमहानगरपालिका–१०, स्थित भुटनदेवी पार्कमा जारी १० औं राष्ट्रिय औद्योगिक व्यापार महोत्सवको प्रमुख आकर्षकको केन्द्रको रुपमा रहेको हेटौंडा आइडल गायन प्रतियोगितामा भोटिङ राउण्ड सुरु भएको छ ।
उत्कृष्ट १० भित्र पर्ने प्रतिस्पर्धीहरुलाई टिकटको अर्धकट्टी र एसएमएसबाट भोटिङ गर्न सकिने हेटौंडा आइडल व्यवस्थापन समितिका संयोजक एंव मउवा संघका कार्यसमिति सदस्य अंकिता सुमार्गीले बताइन् ।
उत्कृष्ट १० भित्र अनिता मोक्तान, प्रेमलाल बैठा, आवाज सुनार, सुस्मिता श्रेष्ठ, दीपेश श्रेष्ठ, राजेन्द्र सापकोटा, राजेश दर्नाल, सुसन शाही ठकुरी, विजय लामा, दिपा स्याङ्तान परेका छन् । आज बुधवार यी प्रतिस्पर्धी मध्ये एक जना आउट हुने मुख्य निर्णायक विजय कार्कीले बताए ।
हेटौंडा आइडलको सर्टफर्म एचआई स्पेस प्रतिस्पर्धी टाइप गरि ३१००३ मा एसएमएस गरि मनपरेको प्रतिस्पर्धीलाई भोट गर्न सकिने कार्कीले जानकारी दिएका छन् ।
