हेटौंडामा शंकास्पद वस्तु फेला, सेनाद्वारा ‘डिस्पोज’
हेटौंडा– मकवानपुरको हेटौंडा उपमहानगरपालिका–१० राप्तीपुल नजिकै शंकास्पद वस्तु फेला परेको छ ।
बिहीवार राती प्रेसर कुकरसहित फेला परेको शंकास्पद वस्तुलाई नेपाली सेनाको डिस्पोज टोलीले डिस्पोज गरेको जिल्ला प्रहरी कार्यालय मकवानपुरका प्रहरी प्रवक्ता डिएसपी टेकबहादुर कार्कीले जानकारी दिए ।
डिएसपी कार्कीले फेला परेको शंकास्पद वस्तुमा कुनै पनि विस्फोटक पदार्थ नरहेको बताए । घटनाको अनुसन्धान भइरहेको प्रहरीले जनाएको छ ।
आम निर्वाचन नजिकिँदै गर्दा शंकास्पद वस्तु देखा परेपछि सो क्षेत्रका स्थानीय त्रसित भएका थिए । आइतबार देशभर प्रतिनिधिसभा र प्रदेशसभा सदस्य निर्वाचन हुँदैछ ।
