मकवानपुरमा भाइरल भइरहेको महेश बर्तौलाको २० अठोटमा के छ ?

संवाददाता
२०७९ कार्तिक २७, आईतवार १३:१६

हेटौंडा– नेकपा एमालेबाट मकवानपुरको प्रतिनिधिसभा क्षेत्र नम्बर २ का युवा उम्मेदवार महेशकुमार बर्तौलाको २० वटा अठोट यतिबेला भाइरल बनिरहेको छ । उनले निर्वाचन प्रचारप्रसारका क्रममा जनता माझ राखेका अठोट यतिबेला भाइरल भइरहेको हो ।

२ नम्बर क्षेत्रभित्र पर्ने हेटौँडा उपमहानगरपालिकाको १, ११, ३ र १९ वडा, मकवानपुरगढीको ५, ६, ७ र ८ नम्बर वडासँगै सिंगो थाहा नगरपालिका, मनहरी, राक्सिराङ, कैलाश, इन्द्रसरोबर र भीमफेदी गाउँपालिकाका चोक, चिया अड्डाहरुमा यतिबेला बर्तौलाको अठोट चर्चामा छ ।

बर्तौलो नागरिकका प्रत्यक्ष समस्या र महत्वका विषयलाई आफ्नो अठोटमा राखेपछि उनी अन्य उम्मेदवार भन्दा चर्चामा छन् । उनका प्रतिद्वन्द्वी असल मात्रै छैनन, भ्रष्टाचारदेखि सामाजिक तिरस्कारको अवस्था भोगेकाहरु रहेकाले राम्रो छवि बनाएका उनलाई निर्वाचन जित्न सहज बनाएको विश्लेषण भइरहेको छ ।

बर्तौलाले मकवानपुरको २ नम्बर क्षेत्रको परिवर्तनका लागि आफ्नो २० अठोट सार्वजनिक गरेका छन् । २ नम्बर क्षेत्रमा अत्याधिक रुचाइएका उम्मेदवारका रुपमा रहेका बर्तौलाले विद्यालयदेखि खेलकुदसम्मलाई आफ्नो अठोटमा राखेका छन् ।

प्रतिनिधिसभामा निर्वाचित भएपछि समुदायका लागि आफूले धेरै गर्न सक्ने भएपछि २० वटा अठोट कुनै हालतमा पूरा गरि छाड्ने बर्तौलाको प्रतिबद्धता रहेको छ ।

नेकपा एमाले बागमती प्रदेश कमिटीका उपमहासचिवसमेत रहेका बर्तौलाका २० अठोट यस प्रकार छन्ः

१) “एक पालिका, एक आवासिय विद्यालय” कार्यक्रम माफर्त बालबालिकालाई घण्टौं हिंडेर विद्यालय जानुपर्ने र फर्किनुपर्ने अवस्थाको अन्त्य गरिनेछ । सबै बालबालिकाको विद्यालयमा सहज पुहँच स्थापित गरिनेछ ।
२) विद्यालय शिक्षामा शिक्षकहरुको विषयगत दरबन्दीको सुनिश्चितता गर्न केन्द्रीय नीति बनाईनेछ ।
३) आवश्यक शैक्षिक तथा भौतिक पुर्वाधारको विकास गरी मकवानपुरलाई उच्च शिक्षाको हब बनाउन पहल गरिनेछ ।
४) विभिन्न जातिको भाषा, कला, संस्कृतिको संरक्षण, प्रवद्र्धन र बिकास गरिनेछ ।
५) उद्यमशिलताको बिकास मार्फत युवाहरुको श्रमलाई उत्पादन संग जोड्दै स्वरोजगार बनाईनेछ ।
६) लगानी मैत्री वातावरणको सिर्जना एवम् औधोगिक पुर्वाधारहरुको विकास गरी हजारौंको रोजगारी सिर्जना गरिनेछ ।
७) किसानहरुले भोग्नुपरेका मल, बिउ, सिंचाई र बजारको समस्यालाई दिर्घकालिन समाधानको पहल गरिनेछ ।
८) प्रत्येकका घरघरमा पिउने पानीको पहुँच स्थापित गरिनेछ । एक गाग्री पानीकै लागि घण्टौ धाएर जानुपर्ने अवस्था अन्त्य गरिनेछ ।
९) मकवानपुरको स्वास्थ्य सेवालाई ब्यवस्थित, गुणस्तरिय र विश्वस्निय बनाईनेछ ।
१०) सडक संजाल, संचार तथा शिक्षा लगाएत भौतिक पुर्वाधारहरुको बिकास मार्फत सम्पुर्ण गाँउबस्तिहरुको बिकास र समृद्धिलाई प्राथमिकता दिईनेछ ।
११) प्राकृतिक श्रोत साधनहरुलाई क्षेत्रको बिकासका लागि परिचालन र ब्यवस्थापन गरिनेछ ।
१२) जलवायु परिवर्तन एंव वातावरणको संरक्षणको क्षेत्रमा नितिगत एंव कानुनी सुधार एंव कार्यान्वयन गरिनेछ।
१३) मध्यवर्ती आरक्ष क्षेत्रको कानुनका कारण मनहरि र साबिक हाँडिखोलाका बासिन्दाले भोग्नुपरेका समस्यालाई दिर्घकालिन समाधान खोजिनेछ ।
१४) आवश्यक स्थानहरुमा नदि नियन्त्रण, बस्ति बचाउ तथा तटबन्धन गरिनेछ ।
१५) सिमभन्ज्याङमा मैत्री बगैंचा, थाहाको मुलबारीमा राष्ट्रिय विभुति पार्क बनाईनेछ ।
१६) पर्यटन पुर्वाधारहरुको बिकास मार्फत मकवानपुरलाई आन्तरिक तथा बाह्य पर्यटकिय गन्तब्य बनाइनेछ । पयर्टन करिडोरको अवस्था अन्तर्गत समग्र क्षेत्रको विकासलाई प्राथमिकता दिईनेछ ।
१७) पुर्वाधार बिकासका लागि छुट्याईएको केन्द्रीय बजेटहरुको सतप्रतिशत कार्यान्वयन गर्दै समयमै आयोजना सम्पन्न गराईनेछ ।
१८) सार्वजनिक सेवा प्रवाहलाई छिटो, छरितो, पारदर्शि र जनमैत्री बनाउदैं सुशासन कायम गरिनेछ ।
१९) अनाथ, असहाय बालबालिकाको संरक्षणका लागि बनेका कानुनहरुको कार्यान्वयन गरिनेछ ।
२०) मकवानपुरको ऐतिहासिक, धार्मिक एवम् साँस्कृतिक महत्वका पुरातात्विक सम्पदाहरुको संरक्षण र प्रवद्र्धन गरिनेछ । यसको थप खोजी एवम् प्रचारप्रसार गर्दै अनुसन्धानकर्ता एवम् पर्यटकहरुको आकर्षणको केन्द्र बनाईनेछ ।

यसमा तपाइको मत

Your email address will not be published. Required fields are marked *


*