कमानेकी अनिशालाई छुरा प्रहार गर्ने यादव प्रहरी नियन्त्रणमा
हेटौंडा– हेटौंडाकी २४ वर्षीया अनिशा राईंलाई छुरा प्रहार गरी फरार अभियुक्त सिर्जन यादव प्रहरी नियन्त्रणमा आएका छन् । उनी आफैं प्रहरीको सम्पर्कमा आएका हुन् ।
यादवले चैत ११ गते शुक्रबार साँझ हेटौंडा–७ हरियालीमा अनिशामाथि छुरा प्रहार गरी फरार भएका थिए । हेटौंडा–२ न्यु मनकामना चोकका २९ वर्षीय सिर्जन यादव ४ वैशाखमा मकवानपुर प्रहरीको सम्पर्कमा आएको एसपी सुरेन्द्र गुरुङले जानकारी दिए ।
यादवविरुद्ध ज्यान मार्ने उद्योगसम्बन्धी मुद्दा दर्ता गरेर प्रहरीले अनुसन्धान गरिरहेको छ ।
यादवले हेटौंडा –७ हरियालीमा २४ वर्षीया अनिशा राईलाई घरनजिकै छुरा प्रहार गरेका थिए । घटनालगत्तै फरार यादवको खोजीका लागि प्रहरी परिचालन भएको थियो भने राईको काठमाडौंमा उपचार गरेर हेटौंडा ल्याइएको छ ।
‘पक्राउ परेको खबर पाएँ, प्रहरीले अनुसन्धान गरिरहेको र हामीलाई जानकारी गराएको छ,’ अनिसाका बुबा सूर्य राईले भने, ‘प्रहरीमा हामीलार्र्इ साक्षीसहित बोलाइएको छ, प्रहरीमा जाने तयारीमा छौँ ।’
